السلام عليكم الاخوان
هانا جيت لاتكولو ماجيت لاباس عليكم المهم مرة خرا كنطل عليكم بشغب الطفولة
واحد النهار اسيادنا وباقي عاقل نهار الاربعاء غيتغاديت وانا نخرج مشيت لجيهة المدرسة تلاكيت مع واحد جوج هبال كيقراو معايا المهم كالسين ولي فيه شي مايخطاه طنطلو على اللي قارين من الباب ونهربو المهم فينا القباحة ولينا كنهزو الحجر وندربو النافدة ديال القسم والمصيبة القسم اللي ضربت انا ما يخرج منو الا الاستاد اللي كيقريني فالرابع وسميتو الباز ههههه المهم انا غي ضربت وانا نعيط جبد هو مع خرج تلاكا مع واحد خينا كاليه فلان ليضرب وانا معروف تم كي السما ....
انا مانكددب شداتني الخلعة كلت هاد خينا غي ندخل عندو وايبدا مني انا الاول اوا تنهدرو وهو اكول ليا صاحبي وايلي راه 4ايام ديال العطلة تايدوخ الباز 4دوخات وبيتيه اتفكرك اان سمعت العطلة ونا نفرحح كلتت صافي زهقت منها .....
الغد ليه مشيت كالس حدا الوليد الله ارحمو وارحم جميع المسلمين فالمحل يالاه عطاني كاس ديال اتاي كنشرب فيه ها الاستاد الباز ههه واسميا هادي دايز غي شافني وهو اوق وتايشووف فيا وكاليا ماحشمتيش انا غي شتو ورشك ليا اتاي فقرجوتي كاليه الوليد ياك لاباس السي الباز اوا تانا حيت مسخوط كاليه الوليد هاك واحد الكاس ديال اتاي وهيا هاديك تيكمكم فداك الكاس غي تاعاود للوليد لافير كاملة وباش مردني تاكمل وكاليه للوليد اربي لاضربو نتا شريتي ليا قتلة ديال العصا عاد كاتكوليه لاضربو
هيا هاديك كاليا الوليد دخل للماكازة انا غي سمعت المكازة عرفت القضية حامضة واصلا حماط بداك الكاس ديال اتاي اوا دخلت وتنتسنا مكتوبي هههههه جا الوليد كاليا صافي هادشي ليتتعلم ضرب الناس بالحجر وهي تشمخ عليا بالعصا توليد تانطيح ومانكد نوض......
باش كملات ملي مشينا للدار لكيت شكاية خرة مقدمة ضدي من ولد الجيران وبصح ما هوت داك الصباح لعند الوليد تا فركعت ليه الكرة ميكازا وهيا تبدا نعمت الله عليا عوتاني
داك النهار خرج ليا كامل بروصيات
اوا الله الاحمو والاحم جميع موتؤ المسلمين
وكيف ديما غادا الايام
اخوكم ايوب