فعلا للزواج فوائد عديدة

لسلام عليكم يا غاليات
طول عمرى اعرف ان الجواز ستر واستقرار واحساس بالامان والطمائنينة
وكمان شركة يؤسسها طرفين كل منهما يعرف التزاماته وواجباته تجاه الشريك الاخر وايضا يعرف حقوقه
وينتج عن هذة الشراكة اطفال حلوين يعطوا للدنيا طعم ولون

ولكن.....
اكتشفت بالصدفة والصدفة البحتة جدا ان الجواز له ميزة اخرى
من غير ما اطول عليكم ...
فى احد الايام زعلت شوية مع زوجى الغالى (طبيعى يعنى مش قضية )
وقضيت اليوم كله وانا اتعامل معه رسمى جدا ..اعد له الطعام ..اغسل له ملابسه..الامور العادية المطلوبة من كل زوجة مؤدبة وبنت ناس واصيلة
حقيقى حاول يكلمنى كتير ويراضينى بس مين؟؟زعلانة زعلانة ما تحاولش لو سمحت ارجوك تبعد عنى
وشوية الكلام المعروف دة (حبتين تقل يعنى )
واثناء اليوم المشحون دة كانت الصدمة...كنت فى المطبخ اعمل كوب شاى باللبن (الحقوووووووووووووووووووونى)صر صااااااااااااااااااار
الحقنى يا (........)ناديت عليه بكل طاقتى بكل حواسى فانا لالالالااكره شئ فى الدنيا مثل هذا المخلوق
اهئ اهئ اهئ انا بيتى فيه صرصار دخل ازاى وطلع منين استرها يا رب
ودخل جوزى حبيبى (لاحظوا حبيبى دى)يجرى وجهز كل العدة المطلوبة للدفاع عن قلعتنا (بيتنا)والبحث عن الصرصار وبعد مناوشات وخطط دفاعية واستهلاك زجاجة من المبيد الحشرى كاااملة ...اصبح الصرصار جثة هامدة
وجدت نفسى ارتمى فى حضن زوجى الغالى الغالى جدا ودموعى تملا عينى
ياااااااااااااه الحمد لله انك موجود الحمد لله
زوجى انهمر بالضحك ..صرصار ضعيف قدر يعمل ما لم يستطيع هو عمله
اما انا فحمدت ربنا على انى متزوجة
فعلا للزواج فوائد عديدة
الحمد لله يا رب انى اتجوزت